اسمعوني وماني مطول

شكوتُ إلى وكيع سوء حفظي
................... فأرشدني إلى ترك المعاصـي

و نبأني بأن العلــم نــور
................... و نور الله لا يُؤتـي لعاصـي

:

يا إخوانـ أنا راح أقول هالكـلام على عجالة ..
و لا الموضوع يبيله صفحات و كتب و مجلدات ..

كلنا مشغولين في الحياة ..
اختبارات .. و شغل و مشغله و فوق كذا أهل مرتبطين فيهم و مشاغل دنيوية ..
ماحد فكر فيكم بربهـ ..
أنا لي رب .. ما حد فكر هل هذا الرب راضي عني و لا لأ ؟
هل هذا الرب تبارك و تعالى يحبني و لا لأ ؟

ربي أعطاني كل شي ..
أعطاني الدين الصحيح اللي بيدخلني الجنة
خلقني مسلم و غيري يسجد لبقرة
خلقني مسلم و غيري يتمسح في صخرة
خلقني مسلم و غيري يعبد الأصنام
خلقني مسلم أنعم بدار الدنيا و الآخرة
ربي اصطفاني من بين جميع 6 مليار مخلوق و اختارني أعيش مسلم ..

ربي أعطاني عين أشوف فيها و غيري محروم ما يقدر يشوف
أعطاني أذن أسمع فيها و غيري ما يقدر يسمع
أعطاني نعمة الشم هذي النعمة اللي نستهين فيها و غيرنا ما يقدر يشم
أعطانا رجول نمشي عليها و غيرنا ما يقدر يمشي
أعطانا ايدي نشتغل فيها و غيرنا ما يقدر يطقطق على الكيبورد مثلي و مثلك الآن !
لو بتكلم عن هذي النعم بقعد طول حياتي و ربي
شوف جسمك الحمدلله ما فيك شي ..
غيرك قاعد طوال حياتهـ في المستشفيات ما يقدر يطلع و لو للحطة وحدهـ
غيرك ما يقدر يحرك رقبته و لا يقدر يحرك حتى أنملة أصابعه ..

و الله لو بقعد بعدد النعم اللي أعطانا إياها ربنـا ما بخلص ..
وش سوينا لربنا ؟ ما فكرنا هو يحبنا و لا لأ ؟ ما فكرنا هو راض عننا و لا لأ ؟

أعطانا عيون فصرنا نشوف الحريم و نهتك بيوت الجيران
أعطانا إذن صرنا نسمع أغاني
أعطانا لسان عشان نذكرهـ صرنا نسب و نلعن و نشتم و نغتاب ..
أعطانا أطراف عشان نروح فيها للمسجد صرنا نروح اسوق نغازل بنات الناس و لا لأماكن الحرام ..
أعطانا ايد نساعد فيها المساكين و نخدم فيها والدينا فصرنا نضرب فيها خلق الله و ندخن و نمارسها في الحرامـ ..

كل ما أعطانا إياهـ من نعم حتى المخترعات أصبحنا ما نستحي و نمارسها في معصيته ! ..
المسجل و السيارة و التلفزيون و الجوال و كل النعم صرنا نستخدمها في معصية اللهـ ..

يا ناس ما راح أقول لكم صيروا علماء و رهبان في الصوامع ..
لكن يا ناس الواحد يفكر يخفف من ذنوبهـ .. عندك ذنوب اوكيه كلنا عندنا ذنوب
الصحابة كان عندهم ذنوب ..

الواحد يحاول على الأقل يخفف من هالذنوب .. حاول قدر الامكان جاهد نفسك ..
" و الذين جاهدوا فينا لنهدينهم سبلنا "
حاول تقلل من معاصيك ..
عندك عشر معاصي حاول تقلصها من فترة لفترة ..
و الله لو نعبد ربنا طول الليل و النهار ما راح نوفيه حقه و لا حتى بندخل الجنة بهذا العمل وإنما برحمة منهـ ..

إنت بس فكر .. أنا لي رب أعطاني كل النعم و وهبني ما حرم منه الكثير ..
وش سويت أنا لهذا الرب تبارك و تعالى ؟ هل العمل اللي سويته يأهلني أدخل الجنة ؟
هل العمل اللي أنا الحين عليه لو مت و أنا كذا هل راح أدخل الجنة أو النار ..

سُئل الإمام أحمد بن حنبل متى ترتاح ؟
قال : عندما أضع أول قدم في الجنة ..

اللهم اغفر لنا ذنوبنا كلها دقها و جلها عاجلها و آجلها ما علمنا منه و ما لم نعلم
اللهم جنبنا المعاصي و الفواحش و الموبقات ما ظهر منها و ما بطن
اللهم اعنا على طاعتك و شكرك و حسن عبادتك حتى نلقاك