| لحطات من السيمستر الأول | |
|
+7اميرة الضوء البالوا bluerose SAGAR المهندس حاتم لطفى prince 11 مشترك |
كاتب الموضوع | رسالة |
---|
prince بالو مكسر
عدد الرسائل : 190 العمر : 35 السكنة:من وين جاي: : 'طرابلس الحالة:أوالمهنة: : طالب شنو جوك:مزاجك: : متكيف تاريخ التسجيل : 04/02/2008
| موضوع: لحطات من السيمستر الأول الثلاثاء فبراير 05, 2008 2:39 am | |
| بسم الله الرحمن الرحيم
السيمستر الأول كمل وانشاء الله الجماعة كلها اتصفي المواد التلاته سواء مجموعة فردية أو زوجية وزي ماتعروا الكل مر بلحظات في الجامعة يدكرها طول عمره لدي هدا موضوع يبي واحد واثق من نفسة واموره تيك يقدر يقولها لأي حد من غير ما يتحشم ويحكي علي هادي اللحظات شن هي وامتي ووين صارت ولكن مايقولش مع مني بالنسبة لأني احلي لحظة في العلوما يوم نتائج الفيزياء لما جبت 19 نحساب روحي بنجيب 10 :D أغلي لحظة صحابي قعدوا يباركولي لما جيت للجامعة بسيارة تيوتا يحسبوها سيارتي الجديدة بعد ما درت حادث أكثر لحظة كرهتها لما وقفت علي بنت والجماعة فهموا غلط وطلعوا علي دوة وهي بنت خالتي :x أغبي لحظة لما دكتور الورش طلعنا من المحاضرة مرتين في نفس الاسبوع قالنا اعطوني اساميكم اعطيناه اسامي جماعة ما يقروش بكل في الجامعة :P أضحك لقطة لما دكتور الفيزياء يجري وراء زوز ولاد في المدرج أغلي لحظة لما ريت صديق قدام المدرجات ما تلاقيتش معاه من أربع سنين التانوية أكثر لحظة كنت غاضب فيها يوم امتحان الفيزياء النصفي مع الأسئلة الفضائية اللي جابوها :confused: لحظة ما قدرتش انصدقها لما ريت واحد من صحابي واقف علي بنت ومتخيلتاش في حياتي هو يوقف علي بنت والحمد لله ما صارتليش لقطة بايخة قدام الشبات ولا البنات وزي ما تشوفوا كلها لحظات بسيطة ولكن تقعد دكري ورونا يا أعضاء لحظاتكم وفرفشوا معانا
| |
|
| |
حاتم لطفى بالو ضيه قوي
عدد الرسائل : 425 العمر : 35 السكنة:من وين جاي: : طرابلس الحالة:أوالمهنة: : طالب شنو جوك:مزاجك: : متعدل تاريخ التسجيل : 03/02/2008
| موضوع: رد: لحطات من السيمستر الأول الثلاثاء فبراير 05, 2008 2:58 am | |
| باهى مبروك على درجة الفيزياء معناها انت الفلته على الكلام هوا منور يا زعيم على هدا الموضوع الى رجع الدكريات فى مدرجات الحوازة شكرا | |
|
| |
المهندس عضو مميز
عدد الرسائل : 110 العمر : 35 السكنة:من وين جاي: : النوفليين الحالة:أوالمهنة: : طالب شنو جوك:مزاجك: : ميا ميا تاريخ التسجيل : 02/02/2008
| موضوع: رد: لحطات من السيمستر الأول الثلاثاء فبراير 05, 2008 12:00 pm | |
| من الصعب ان الواحد يشارك لحظاته الخاصة
لكن انا احسن لحظة لما .................. متاع الفيزياء
اما ابيخ لقطة لما تجي للجامعة بكري وماتلاقيش حد تعرفه وتقعد ماد وجهك هكي وخلاص
بالله من هو اللي لقيته جيهة المدرجات يا برنس..؟؟؟؟ | |
|
| |
SAGAR بالو ضيه قوي
عدد الرسائل : 524 العمر : 35 السكنة:من وين جاي: : طرابلس الحالة:أوالمهنة: : طالب شنو جوك:مزاجك: : مش عادي تاريخ التسجيل : 04/02/2008
| موضوع: رد: لحطات من السيمستر الأول الثلاثاء فبراير 05, 2008 12:24 pm | |
| شكرا علي مشاركتك للحظاتك السعيدة في الجامعة معنا
وننتظر المثل من البقية | |
|
| |
bluerose بالو جديد
عدد الرسائل : 5 العمر : 36 السكنة:من وين جاي: : بن عاشور الحالة:أوالمهنة: : طالبه شنو جوك:مزاجك: : كساد تاريخ التسجيل : 04/02/2008
| موضوع: رد: لحطات من السيمستر الأول الثلاثاء فبراير 05, 2008 1:01 pm | |
| السلام عليكم اني توا في السيمستر الخامس لاكن السيمستر الاول ميتعوضش ومعمري محننساه احلي حاجة صارتلي فيه اوا محاظره كانت عندي في الجدول طبيعه من الفرحه خشيت نحضر في وصفيه واني مش منزلتها اصلا اكتر حاجه كرهتها لما صاحباتي بدو يفتنو في بعضهم الموقف الي معمري مننساه في امتحان الطبيعه النصفي التاني كيف طلعو البنت الي مقعمزة قدامي والي وراي برا الامتحان مرة وحده والزوز صاحباتي هلبه ومضلومين من الصدمه معرفتش نجاوب مع انها الاسئله كانت ساهله لاكن الله غالب قضر الله مشاء فعل وشكرا علي الموضوع يلا سلام | |
|
| |
البالوا المديــر.
عدد الرسائل : 203 العمر : 35 السكنة:من وين جاي: : من ارض الحدث الحالة:أوالمهنة: : طالب شنو جوك:مزاجك: : cooooooooool تاريخ التسجيل : 27/01/2008
| موضوع: الحكاية كلها الثلاثاء فبراير 05, 2008 1:27 pm | |
| صحيت عالموضوع يا برنس فلتوز والله ما شاء الله اطلعت فلتوز واحنا ما نندروش عليك
احلي لحظة لما خشيت الجامعة
اغلي لحظة لما قالو تقرو في مدرجات امليحة
اكثر لحظة كرهتها الجامعة كلها والمشاكل يللي صايره فيها
أغبي لحظة اني لما زبطت قصة الجامعة وكنت مخدوع بيها
أضحك لحظة طلعت الجامعه كلها قر وبس
أغلي لحظة عشتها لما تمينا الامتحانات
اكتر لحظة عفلقتني لما كلمت الدكتور في امتحان الورش قال ادقيقة كلماته بنت تانيه امشالها وفاتني
لحظة ماقدرتش انصدقها لما الجماعة العاقلين طلعو كلهم عندهم صحاب بناويت وانا طلعت زي الاطرش في الزفة
ابيخ لحظة لما الدكتور يشبحلي علي تلاته مرات وانا نتكلم مع اللي في جنبي وهو عنده نيه ياكللي غشاشي | |
|
| |
prince بالو مكسر
عدد الرسائل : 190 العمر : 35 السكنة:من وين جاي: : 'طرابلس الحالة:أوالمهنة: : طالب شنو جوك:مزاجك: : متكيف تاريخ التسجيل : 04/02/2008
| موضوع: لحظات أعضاء البالو الثلاثاء فبراير 05, 2008 4:26 pm | |
| منورين شباب علي الردود والباين عليكم ناشطين وما تحسبونيش فلتوز راهوا شدت معاي الفيزياء المهم
اللحظة اللي عفلقت خونا البالوا صارت مع الكل الولاد هادي حاجة ميؤوس منها ديمة الدكتور يفوتك ويبيعك علي خاطر بنت حتي ولو انت أحلا منها أما أغلي لحظة يوم تطلع من الامتحان الأخير تحس في روحك تبي ادير كل شيء ترقص وتصيح وتمشي للزردة وتفشخ غلك أما أكتر لحظة ما صدقتهاش انقولهالك في مثل السكوتي تحته كوتي وممكن انت مادورتش صدقني كان عولت اتحصل علي بنت ناس تمشي معاك
لأختنا الكبيرة ماشاء الله في السيمستر الخامس بالتوفيق وتكملة المشوار اللحظة الكرهتيها عندك الحق فيها لان الفتنة زي القتل ولكن مفروض توقفي ضدهم وكوني واثقة من نفسك لان الصح معاك أما موقفك اللي مش حتنسيه هادي قضاء وقدر ويقول الظالم في جرت المظلووم وديمة معاد تقدري تجاوبي علي الأسئلة في الحالات هادي أو سؤال ما تعرفيش تجاوبي عليه وسكرلك ضماغك
ولخونا المهندس الشخص االي تلاقيت معاه اني في جهة المدرجات هو معتز علي نجاح صاحبي من الأعدادية
| |
|
| |
اميرة الضوء بالو معوج
عدد الرسائل : 55 العمر : 37 السكنة:من وين جاي: : من بعيـــــــــــد الحالة:أوالمهنة: : طالبة شنو جوك:مزاجك: : مليــــــــــــــــــح تاريخ التسجيل : 02/02/2008
| موضوع: رد: لحطات من السيمستر الأول الثلاثاء فبراير 05, 2008 5:03 pm | |
| شكرا علي موضوعك المتميز
نبدا بلحظاتي
اغلي لحظة لما اخديت درجة الفيزياء والقيتهافوق النص اتعفلقت وشفت الباقيه القيتهم درجاتهم .............؟ استريحت هاداكه الوقت مش شمتانه لكن مصائب قوم عند قوم فوائد
احلي لحظة لما جوبو كلهم في الانجليزي امليح قروبي كلهم
اكره لحظة لما في الورش اطلعت ما جاوبتش بكل
لحظة ما اقدرتش انصدقها انا الامتحانات امشوا علي خير | |
|
| |
المهندس عضو مميز
عدد الرسائل : 110 العمر : 35 السكنة:من وين جاي: : النوفليين الحالة:أوالمهنة: : طالب شنو جوك:مزاجك: : ميا ميا تاريخ التسجيل : 02/02/2008
| موضوع: رد: لحطات من السيمستر الأول الثلاثاء فبراير 05, 2008 5:08 pm | |
| سألتك لأني لقيته هداكا اليوم انا عرفته لكن هو شكله ماعرفنيش | |
|
| |
SAGAR بالو ضيه قوي
عدد الرسائل : 524 العمر : 35 السكنة:من وين جاي: : طرابلس الحالة:أوالمهنة: : طالب شنو جوك:مزاجك: : مش عادي تاريخ التسجيل : 04/02/2008
| موضوع: رد: لحطات من السيمستر الأول الثلاثاء فبراير 05, 2008 5:34 pm | |
| انا لحظاتي متاع السيمستر الاول
مانقدرش انشاركها اهنا
تو مرة تانية بالك نغير راي | |
|
| |
في قلبها مات بالو ضيه قوي
عدد الرسائل : 316 العمر : 34 السكنة:من وين جاي: : طريق السور الحالة:أوالمهنة: : طالب متخرج من الحوش شنو جوك:مزاجك: : قريبا في الاسواق تاريخ التسجيل : 05/02/2008
| موضوع: رد: لحطات من السيمستر الأول الخميس فبراير 07, 2008 9:21 pm | |
| ههههههههه اسكت وانت تقري في العدادي اما سمستر اللي تحكي عليه | |
|
| |
prince بالو مكسر
عدد الرسائل : 190 العمر : 35 السكنة:من وين جاي: : 'طرابلس الحالة:أوالمهنة: : طالب شنو جوك:مزاجك: : متكيف تاريخ التسجيل : 04/02/2008
| موضوع: رد: لحطات من السيمستر الأول الأحد فبراير 10, 2008 12:38 am | |
| والله ( في قلبها ماتت) ما يعرف راسه من رجليه
انت هاربة عليك الخريطة برا دورك امكان جديد
وحقا نسيت تقول مشكووووووووووووور
| |
|
| |
المتشحور بالو معوج
عدد الرسائل : 65 العمر : 35 السكنة:من وين جاي: : الدهمانى الحالة:أوالمهنة: : طالب شنو جوك:مزاجك: : طيييب تاريخ التسجيل : 03/02/2008
| موضوع: رد: لحطات من السيمستر الأول الأربعاء فبراير 13, 2008 4:11 pm | |
| امنور يا غالى على الموضوع بالنسبة ليا مش امكتر لكن اكتر لحضة استغربت فيها فى امتحان الطبيعة الاول فى زوز اولاد طلعو بعد نص ساعة حسيت بروحى ضعيف واكتر لحضة ضحكت فيها على الجماعة وروحى هيا لما فى البداية اول ما خشينا للجامعة نحضرو ونقرو وفى نهايتها نمشو انهيجو بس ربك يستر على باقى السيمسترات | |
|
| |
SAGAR بالو ضيه قوي
عدد الرسائل : 524 العمر : 35 السكنة:من وين جاي: : طرابلس الحالة:أوالمهنة: : طالب شنو جوك:مزاجك: : مش عادي تاريخ التسجيل : 04/02/2008
| موضوع: رد: لحطات من السيمستر الأول الخميس فبراير 14, 2008 12:04 am | |
| هذا اللي صار لينا كلنا
في الاخير خديناها هياجة وخلاص | |
|
| |
mahmud.ko بالو مكسر
عدد الرسائل : 120 العمر : 35 السكنة:من وين جاي: : طرابلس حي الاندلس الحالة:أوالمهنة: : طالب شنو جوك:مزاجك: : مش عادي بكل!!!! تاريخ التسجيل : 03/02/2008
| موضوع: رد: لحطات من السيمستر الأول الإثنين فبراير 18, 2008 3:39 pm | |
| | |
|
| |
طائر الحب بالو جديد
عدد الرسائل : 1 العمر : 36 السكنة:من وين جاي: : دهماني الحالة:أوالمهنة: : طالب شنو جوك:مزاجك: : جوي فوق الريح تاريخ التسجيل : 11/02/2008
| موضوع: رد: لحطات من السيمستر الأول الأربعاء فبراير 20, 2008 5:25 pm | |
| اهلين اني طالب في السيمستر الاول وهادي اول مشارك لي في موقع بالو المهم انا السيمستر الاول احلى حاج فيه هي تغير الجو عليك وتحس روحك في مكان جديد والجو الجديد وياريت يقعدو ديما ينزلو ثلاث مواد على خاطر يكون عندنا وقت ديما للهياج وانشاء الله نصفي المواد وعلى العموم اني كنت في الجامعة اليوم سألت على النتيجة قالو يوم25.2.2008 والسلام عليكم ورحمة الله وبراكتو | |
|
| |
prince بالو مكسر
عدد الرسائل : 190 العمر : 35 السكنة:من وين جاي: : 'طرابلس الحالة:أوالمهنة: : طالب شنو جوك:مزاجك: : متكيف تاريخ التسجيل : 04/02/2008
| موضوع: رد: لحطات من السيمستر الأول السبت فبراير 23, 2008 10:17 am | |
| حتي اني سمعت ان النتيجة يوم الاتنين ان شاء اعضاء البالوا اللي يقروا معانا يصفوا كل المواد ومشكورين علي الردود | |
|
| |
| لحطات من السيمستر الأول | |
|