أحبك
احبك كثر ماقد صار احبك رغم ماقد صار ............................احبك كثر مادنيا الزعل والصد مهجوره
احبك كثر ماتمطر بصدري من غلاك امطار ............................احبك كثر ماصارت اراضي العشق ممطوره
احبك كثر ماتفتح شبابيك الربيع ازهار............................احبك كثر ماغنت عشان الصبح عصفوره
احبك كثر ماتاقف على جنب الطريق اشجار............................احبك كثر مايقسى الشتاء وتهاجر طيوره
احبك كثر مافي الارض بنت تلفلت الانظار............................واحبك كثر مايرتاح عطر بصدر مغروره
احبك كثر ماجاب الجفا في معطفه زوار............................واحبك كثر ماجانا صباح يشبهك نوره
واحبك كثر ماتهدي كفوف الوصل من تذكار............................واحبك كثر ماشالت يدين العاشق زهوره
احبك كثر مانقرا عن الفارس عن المغوار............................احبك كثر مانسمع ولا شفنا ولا اسطوره
احبك كثر ماتلعب بدنيا العاشقين اقدار............................احبك كثر ماذا الحظ دائم يعلن قصوره
احبك كثر ماعاثت رياح بحسبة البحار............................واحبك كثر مالبحار يعشق نسمة بحوره
احبك كثر مايتلحف اللي منشغل بأعذار............................احبك كثر مافي الناس ناس بجد معذوره
احبك كثر ماملت قصائدنا من التكرار ............................احبك كثر مالشاعر تمنى حب جمهوره
احبك كثر ماشفنا على وجه الزمان آثار ............................احبك كثر مافالارض فقر وناس ميسوره
احبك كثر مادارت بذهن الحالمين افكار ............................احبك كثر مافالخير ناس بخير مذكوره
احبك كثر مانرمي حكايات الحطب للنار ............................احبك كثر ماقلنا عن الاحوال مستوره
]احبك كثر مانجهل متى توقف بنا الاعمار ............................احبك كثر مانسمع حكايا حب مشهوره
احبك كثر ماضاق السجين بلعنة الاسوار ............................احبك كثر ماهاج البحر واجتاحته ثوره
احبك كثر ماننسى واحبك كثر مانحتار ............................احبك كثر مايسهر محب وفي يده صوره
احبك كثر ماتقطع شفاتك في العسل مشوار ............................احبك كثر ماخدك يخلي الشمس مطفوره
احبك كثر ماروج عليك الحسن من اخبار ............................احبك كثر ماصدرك يدوخ الورد بعطوره
احبك كثر مافي عينك من السحر والاغوار ............................احبك كثر مافيك الغلا ماوفت قصوره
واحبك والزمن ساكن واحبك لو زماني دار ............................احبك يامدينة حب وسط الصدر معموره
احبك والتفت شاعر لعينك وامطرت اشعار ............................حلف مايمسي الليلة قبل مايكتب شعوره
ورتبتك بصدري وانت تستاهل وراعي دار ............................تفضل قلب اوراق الغلا وايديك مشكوره
تفضل وانت لو مثلك ذكرته هلت الانوار ............................وقمت اجمع من اشواقي قصائد عشق منثوره
تلذذت بجمال وقلت بهديك القصيد جرار ............................غلاك وصدق حبك ماترك لي نفس مكسوره
انا عاشق جمال وماخفا لي في الجمال اسرار ............................انا لامن كتبت اعطيك واعطي العشق مقدوره
كتبتك في القصيد ابيات من حسنك عليك تغار ............................حروف العشق طفله في ثياب العيد مسروره
لقيتك والدلع والثقل شله والحسن ثرثار ............................ويقول اشساء كثيره للعيون ويثبت حضوره
كفاية لو تطل ويفرح بطلتك دار الجار............................كفاية لو تشوف الناس في نظرتك مأسورة
غرامك يثري حروفي سقاها حسنك بامطار ............................ كتاباتي تشهد من غلاك وتحفظ عطوره
احبك ثم احبك ثم احبك ثم احبك رغم ماقد صار ............................احبك دام انا طيب واراضي العشق ممطوره