-------------
إليكم بلا مقدمــــــات ..
على ذكرى تفارقنا بكيتي اليوم مقهوره
تعرفين إن الخطأ منك ولا تقوين تنسيني
تعرفين إن الظلم قاسي ونفسي منه مكسوره
وتعرفين إن الزمن لو طال مالك حيل ترضيني
أنا لو خانتني الكلمة وحروفي تصير مبتوره
يكفي نظرة عيوني .. حزن طاغي بينهيني
"احبك" عند كل الناس .. حروف الصمت مقدوره
ومعي يا بنت بانت لك .. حروف تقول شوفيني
مع جروحك ومع طعونك صرتي بي مشهوره
كتبت لجلك حروف العشق تحرقني وتدفيني
حروف العشق ساقت لك حروف بصدق منثوره
تصور لك عذاب إنسان صرخ يا بنت يكفيني
مغرورة قالها ناصح خايف يسدي بشوره
ركبت راسي وبعنادي تاه الحزن في عيني
قلت يا عاذلي ابعد .. حلاة البنت مغروره
احب الكبر في عينه .. تجهمني وتسريني
احب عيونها الذبلا .. عيوني فيها مسحوره
وغرتني نظرة عيونه .. تجهرني وتعميني
آلا واليوم روحي جات تسوق خطاها مغدوره
من اللي ياخذ بحقي من اللي بصدق يشفيني
أنا أترجاك لا تقولين .. انك فيني مأسوره
وشلون بيوم تحبيني .. وثاني يوم تخونيني
خلاص ما عادلي رجعه .. عمري انطفى نوره
روحي وابعدي عني .. طابت نفسي خليني
لا أنتي ولا غيرك .. كرهت الأًصل والصوره
كرهت اللي يبي ينسى .. طعونه كلها فيني
بحق الحب انسيني .. بحق الحب وشهوره
كفايه انك سرقتي القلب .. سرقتي عمري وسنيني
جرحتيني وتركتيني .. جهلتي قلبي وشعوره
قتلتي روح كانت لك .. وتبين اليوم تنسيني .!!!
دريتي أنى عشقتك حيل وبكيتي اليوم مقهوره
موتي غيض ما ارجعلك .. خليك كذا ترضيني ..
--------------